News Round-up Ek Nazar ma
Hyderabad mein Gau Rakshak par firing, BJP ka ehtejaj. Osman, Himayat Sagar ke darwaze kholkar paani chhoda. Jubilee Hills zimni intikhab mein 130 namzad mustarad, ₹4 lakh zabt.,98 Kg gaanja, 6 Sky Walks, Mid-Day Meal funds, Riaz encounter, Salman Khan BRS, Muslim qabristaan, baarish, jaali notes, CJI taqarrur, Tejashwi CM, India-China flights, Venezuela plane crash.
Telangana aur Hyderabad ki Khabrein
Jubilee Hills Assembly Halqe ma 130 Ummeedwaron Ke Parche Mustarad
- Jubilee Hills Assembly seat ke zimni intikhab ke liye kai ummeedwaron ne apni namzadgiyan daakhil ki thi.
- Inmein se 130 ummeedwaron ke parchay Returning Officer ne mukhtalif wajahon ki bina par mustarad kar diye. Baaki parchay zaroori jaayza ke baad qabool kiye gaye.
- Returning Officer ke mutabiq, Election Commission ke usoolon ke mutabiq tamam parchay aur documents ki gehrai se jaanch ki gayi.
- Kuch forms mein zaroori tafseelaat na hone par ummeedwaron se wazahat maangi gayi, lekin mukammal saboot na milne par unki namzadgi radd kar di gayi.
- Election Commission ne ye bhi wazeh kiya hai ke is baar ke zimni intikhab mein purani EVM machines ka istemaal nahi hoga.
- Tamaam polling stations par naye Electronic Voting Units lagaye jaayenge, jinmein har candidate ki tafseelaat clear taur par darj hongi aur ek unit ke saath kai polling machines jodi ja sakti hain.
Salman Khan Apne Waalid Ke Saath BRS Party Mein Hue Shaamil
- Hyderabad Youth Courage HYC ke founder Salman Khan ne baqaayda taur par BRS Party join kar li. Telangana Bhavan mein ek taqreeb ke dauraan Salman Khan apne waalid ke saath party mein shaamil hue, jahan unhe BRS Working President K. T. Rama Rao ne gulaabi khandwa pehnakar khush-aamdeed kaha.
- Taqreeb mein Salman Khan ke qareebi haamiyon aur party ke senior qaideen ne bhi shirkat ki. KTR ne kaha ki Salman Khan ki shumooliyat se BRS ke youth leadership mazboot hogi aur woh party ki sargarmion mein active role ada karenge.
- Waaze rahe ki haal hi mein Salman Khan ki Jubilee Hills by-election mein namzadgi mustarad kar di gayi thi, jiske baad unhone siyasi manzar-nama mein sargarm rehne ka elaan kiya. Is mauqe par Salman Khan ne Congress par tanqeed ki aur ilzaam lagaya ke party Muslim leadership ko nazarandaaz kar rahi hai aur Musalmanon ko cabinet mein shaamil nahi kar rahi.
- Salman Khan ne apne haamiyon se khitaab mein kaha ke woh BRS ke platform ke zariye awaam ki khidmat aur naujawanon ke masail ke hal mein bharpoor hissa lenge.
Jubilee Hills Mein Muslim Qabristaan Ki Farahami, BRS Ka Waada, KTR Ne Kiya
- BRS ke Working President KTR ne kaha ki party Jubilee Hills Assembly halqe mein Muslim Qabristaan ke liye jidd-o-jehad struggle karte hue hukumat par pressure banayegi.
- Agar aayinda 2 saal mein BRS ki hukumat qayam hoti hai, toh pehle hafte mein Muslim Qabristaan ke liye aarazi allot ki jayegi.
- Agar sarkari aarazi dastiyab na ho, toh private aaraziyan khareed kar Muslim Qabristaan ke liye allot ki jayegi.
- Kal Telangana Bhavan mein HYC ke Salman Khan apne haamiyon ke saath KTR se mulaqaat karke BRS party mein join kar chuke hain.
Osman Sagar Aur Himayat Sagar Ke Darwaze Kholkar Paani Ka Khiraj
- Haaliya baarish ke baad Hyderabad ko peene ka paani supply karne wale do ahem talaab - Osman Sagar aur Himayat Sagar - mein paani ka satah had se zyada ho gaya. Is wajah se in dono talaabon ke darwaze khol kar paani chhoda gaya.
- Osman Sagar ke do darwaze kholkar paani release kiya gaya, jabki Himayat Sagar ke bhi kuch darwaze khol diye gaye. Paani chhodne se pehle aas-paas ke ilaqon mein rehne walon ko alert kar diya gaya tha taa ke kisi nuksaan se bacha ja sake.
Hyderabad Ke Badlaguda Mein 98 Kg Gaanja Pakda Gaya
- Hyderabad ke Badlaguda mein police ne 98 kilogram gaanja zabt kiya hai. Police ne teen afraad ko giraftar kiya jo gaanja smuggling mein shamil the.
- Taqreeban 98 kg gaanja unke qabze se baramad ki gayi.
- South East Zone ke DCP ne media se baat karte hue bataya ke mulzimin ilaaqe se gaanja laakar Hyderabad ke raaste le ja rahe the.
- Police ne carwaahi ke dauraan tamaam mulzimon ko giraftar kar liya aur saara gaanja zabt kar liya.
Gau Rakshak Par Firing Ka Waqiya, Hyderabad Mein BJP Ka Ehtejaj
- Hyderabad mein Gau Rakshak par hui firing ke waqiya ke khilaf BJP ne ehtajaj kiya.
- Is ehtajaj ke dauran DGP ke daftar ke qareeb BJP workers ka jamghat dekha gaya. Police ne unhe daftar ke paas hi rok kar hirasat mein le liya.
- Ehtejaj achanak shuru hone ki wajah se traffic ruk gaya aur gaadi sawaaron ko kaafi pareshani ka samna karna pada.
- BJP workers ke haath mein posters aur party flags the, aur wo nara lagate hue apna ehtajaj zahir kar rahe the.
- Police ne DGP office ke aas-paas aur mukhtalif ilaqon mein security ke liye badi taadaad mein police ahlkaar tainaat kiye.
Gau Rakshak Ne ₹5 Lakh Ka Mutaalba Kiya Tha
- Commissioner Police Rachakonda ne press conference mein bataya ki firing ka waqiya us waqt hua jab ek shakhs par goli chalaayi gayi.
- Tehqiqat mein maloom hua ki zakhmi ko uske dost ne mulaqat ke liye bulaya tha. Wahan gau ke maamle par dono ke darmiyan jhagra hua aur goli chali.
- Police ne wahan se ek pistol, ek mobile phone aur kuch cash zabt kiya. Zakhmi ko pehle local hospital aur phir serious haalat mein city hospital muntaqil kiya gaya, jahan doctors ne uske jism se goli nikaali.
- Ibtidaai tehqiqat mein pata chala ki mulzim Ibrahim ne firing is liye ki thi kyunki uska kehna tha ke Gau Rakshak ne usse ₹5 lakh ka mutaalba kiya tha. Paisa na dene par uske kaarobar ko benaqab karne ki dhamki di gayi thi.
- Police ne teenon mulzimon ko giraftar kar liya hai. Commissioner Police Rachakonda ne kaha ke poori tehqiqat jari hai aur kanooni karwai tezi se ki ja rahi hai.
Hukumat Ki Naqaamiyon Ko Awaam Mein Ujaagar Kiya Jaaye, KCR Ki Hidaayat
- Party ki kamyaabi ke liye KCR ne apne senior leaders aur workers ko mukhtalif hidaayatein di. Eravalli ke Farm House mein hue ek aham ijlaas mein KCR ne party ke senior qaideen se tafseeli guftagu ki aur aane wale intikhabat ke liye strategy par mashwara liya.
- Zaraaye ke mutabiq, is meeting mein party ke election campaign ke dauraan ikhtiyaar ki jaane waali strategy par bhi gaur kiya gaya.
- KCR ne hidaayat di ke har halqe ke har ghar tak jaakar awaam se mulaqat ki jaye, taaki unhe yaad dilaya ja sake ke sarkar banne ke baad kya tabdeeliyaan aayi thi.
- Unhone kaha ke maujooda hukumat ki naqaamiyon ko awaam ke saamne asar daar tareeqe se pesh kiya jaye, aur unhe samjhaya jaye ke in ghaltiyon se bachne ke liye sahi faisla lena zaroori hai.
- KCR ne yeh bhi kaha ke awaam mein party ke kaamon ke baare mein awareness campaign chalaaya jaye.
- Is ijlaas mein kai wuzra, Jubilee Hills ke ummeedwar, aur party ke senior leaders ne shirkat ki.
₹4,10000 Naqad Raqam Zabt, Jubilee Hills Zimni Intikhab
- Jubilee Hills ke zimni intikhab ke peshe nazar Election Commission ki hidaayat par police ne talashi muhim shuru ki. Is dauraan police ne ek shakhs ke paas se ₹4,10000 naqad raqam baramad ki.
- Zaraaye ke mutabiq, Jubilee Hills halqe ke mukhtalif ilaakon mein police aur election officials milkar talashi kar rahe the.
- Police ke mutabiq, intikhabat ke dauraan naqad paise ki rawangi aur ghalat istemaal ko rokne ke liye yeh carwaai ki gayi hai.
Shehar Ke Masroof Ilaqon Mein 6 Sky Walks Taameer Karne Hukumat Ka Faisla
- Badhti hui shehri abaadi, traffic ke masail aur paidal chalne walon ko sadkon par cross karte waqt pesh aane wali dushwariyon ko dekhte hue riyasat hukumat ne Greater Hyderabad ke mukhtalif ilaaqon mein 6 naye Sky Walks taameer karne ka faisla kiya hai.
- Yeh mansooba shehri sahoolaton ke farogh aur haadsaat ki sharah ko ghataane mein ek ahem qadam hai.
- Hukumat ne HMDA ko hidaayat di hai ke woh tarjeehi bunyaadon par Afzalgunj, Madina, Lakdi Ka Pul, Petrol Pump, BHEL, JNTU aur Miyapur T-Junction par Sky Walks ki taameer ke liye fauri proposals taiyar karein.
- Mazkoorah ilaaqe paidal chalne walon ke liye nihaayat masroof aur khatarnaak maane gaye hain, jahan baar-baar traffic jam aur haadsaat hote rehte hain.
- Ohdedaaron ka kehna hai ke in ilaaqon mein Sky Walks se na sirf sadak cross karne walon ko sahoolat milegi, balki traffic system mein bhi behtari aayegi.
Mid-Day Meal Scheme Mulazmeen Ki Tanqwaahon Ke Liye Funds Jaari
Telangana mein sarkari schoolon mein nafiz Mid-Day Meal Scheme ke under kaam karne wale mulazmeen ki tanqwaahon ki adaaygi ke liye hukumat ne funds jaari kar diye hain.
School Education Director Naveen Nicholas ne Cook-cum-Helpers ke izaafi mushahire honorarium ki adaaygi ke liye ₹44.73 crore ka budget release karne ke ehkaamaat jaari kiye.
Yeh raqam riyasati hukumat ki jaanib se maahaana ₹2,000 ke izaafi mushahire ki adaaygi ke liye jaari ki gayi hai aur maal-e-saal 2025-26 ki second quarter August 2025 tak ke liye hai.
Zila Taleemi Ohdedaaron ki taraf se bheji gayi izaafi budget proposals ko Finance Department ki manzoori ke baad yeh funds jaari kiye gaye. Telangana ke sarkari schoolon mein kaam karne wale mulazmeen ko rahat pahunchane ke liye hukumat ne pehle bhi baqiya bills ki adaaygi ke liye funds release kiye the.
Is fund release ke hisse ke taur par.
-
9th aur 10th class ke students ke liye khana kharche mein ₹28.43 crore jaari kiye gaye.
-
8th class tak ke students ke liye ande ke expenses aur baqiya bills ki adaaygi ke liye ₹25.64 crore jaari kiye gaye.
Jumla taur par ₹44.73 crore ke funds allocate kiye gaye hain, jinmein General, SC aur ST tabqaat ke liye alag-alag raqam mukhtas ki gayi hai.
Nizamabad Waqiya, Maqtool Police Constable Pramod Se Izhaar-e-Taaziyat, Mutaalba Majlis Ne Kiya
- Sadr-e-Kul Majlis Ittehad-ul-Muslimeen President aur Rukn-e-Parliament Hyderabad Barrister Asaduddin Owaisi ki hidaayat par Nizamabad Majlis qaideen ne Police Commissioner Satish Chaitanya se mulaqaat ki.
- Is mulaqaat ke dauraan Majlis qaideen ne Police Commissioner ko bataya ke ek habitual thief aur history-sheeter ki taraf se Police Constable Pramod Kumar par nahaqaana hamla karte hue uska qatl ek intehaai na-qaabil-e-talaafi iqdaam hai.
- Majlis ne is iqdaam ko shadeed alfaaz mein mazammat kiya aur maqtool constable Pramod Kumar ki shahaadat par apna gehra gham aur taaziyat izhaar kiya, saath hi khandaan ke liye hurd-e-hamdardi bhi pesh ki.
- Majlis qaideen ne Shaikh Riaz ki giraftari mein police ki madad karne wale naujawan Syed Asif ki bahaduri ko qaabil-e-fakhr bataya aur Police Commissioner se Syed Asif ke mukammal ilaaj aur sarkari mulaazmat ki jald az jald faraham karne ka elaan welcome kiya.
- Town Sadr Majlis Shakeel Ahmed Fazil ne Police Commissioner ko yeh bhi bataya ke Shaikh Riaz ke afraad-e-khandaan, khaaskar biwi, chhote bachche aur zaeef waalda elderly mother, ko Mahila Police Station mein rakh kar un par zulm aur barbariyat ka nishana banaya gaya.
- Unhone kaha ke Majlis Shaikh Riaz ke jaraim ki mazammat karti hai, lekin beqasoor biwi, kamsin bachchon aur zaiif waalda par zulm aur tashaddud ki himayat nahi karti.
- Majlis qaideen ne Police Commissioner se demand ki ke tafteesh ke naam par chhote bachchon aur zaeef waalda par zulm karne wale police afsaron ke khilaf comprehensive inquiry aur sakht qanooni carwaayi ki jaaye.
- Police Commissioner ne assurance di ke Shaikh Riaz ke afraad-e-khandaan par police carwaai ki inquiry ke zariye munasib action liya jaayega aur Majlis qaideen ko is baare mein tassalli di gayi.
Riaz Encounter Waqiya, DSP Yella Reddy Tehqeeqati Officer Muqarrar
- Riyasati DGP Shivadhar Reddy ne Kamareddy zila ke DSP Yella Reddy Srinivas Rao ko Riaz encounter waqiya mein tafteeshi officer investigating officer muqarrar kiya hai. Yeh waqiya CCS Constable Pramod Kumar ke qatl se mutalliq hai, jisme mulzim Riaz shaamil tha.
- Constable Pramod ko qatl karne wale mulzim Riaz ka General Hospital Nizamabad mein zere ilaaj under treatment rehne ke dauraan, police ne uske faraar ki koshish par apne difaa self-defence mein firing ki, jisse uski halaakat death ho gayi.
- Riyasati Human Rights Commission ne is waqiya ko Suo Motu qabool karte hue DGP ko hidaayat di ke 24 November tak waqiya ki report pesh ki jaaye. Is khusoos mein DGP ne DSP Yella Reddy ko encounter ki tehqiqat ke liye muqarrar kar diya hai.
Telangana Ke Mukhtalif Muqamaat Par Baarish, Khaleej Bengal Dabaav Ke Asar
Khaleej Bengal Bay of Bengal mein bane low pressure ke zere asar, Telangana ke mukhtalif muqamaat par baarish hui. Hyderabad mein kal subah kahin light aur kahin moderate baarish record ki gayi.
Mausamiyat-Meteorological Department ke mutabiq, neechey ke districts mein baarish ki peshangoi hai.
-
Bhadradri Kothagudem, Khammam, Nalgonda, Suryapet, Mahabubabad
-
Warangal, Hanamkonda, Jangaon, Siddipet, Yadadri Bhuvanagiri
-
Ranga Reddy, Hyderabad, Medchal-Malkajgiri, Vikarabad, Sangareddy
-
Medak, Kamareddy, Mahabubnagar, Nagarkurnool, Wanaparthy
-
Narayanpet, Jogulamba Gadwal
Mausam ke experts ne halki se le kar ausat baarish ka ehtiyaat baratne ki hidaayat bhi di hai.
Desh ki Khabrein
Andhra Pradesh Mein Jaali Noton Ki Taiyari Ka Inkshaf
- Andhra Pradesh ke Visakhapatnam mein jaali noton ki taiyari ka sansanikhez waqiya saamne aaya. Muqami MVP Colony Police Station ke hudood mein police ne ek shakhs ko giraftar kiya jo jaali note taiyar kar raha tha.
- Giraftar shakhs ki shinakht Madhya Pradesh ke rehne wale Sriram urf Gupta ke taur par ki gayi hai. Police ne uske qabze se printer, laptop aur note taiyar karne ke liye kaagaz baramad kiya.
- Tehqiqat mein maloom hua ki Gupta 6 maheene se MVP Colony mein kiraaye ke makaan mein reha raha tha. Police ke mutabiq, Gupta ke khilaf Indore aur Mumbai mein bhi muqaddamaat darj hain.
- Mazeed tehqiqat se pata chala hai ki woh 5 saal pehle bhi jaali noton ke case mein jail jaa chuka hai.
Aayinda Chief Justice Ke Taqarrur Ka Amal Shuru
- Hukumat ne jumeraat ko agle Chief Justice of India ke taqarrur ka amal shuru kar diya hai, kyunki maujooda Chief Justice B. R. Gavai 23 November ko sabakdosh hone wale hain.
- Ek makhtooob letter Justice Gavai ko bheja ja raha hai, jismein unse darkhwast ki gayi hai ke woh apne successor ke naam ki sifaarish karein. Mutalliqah sources ne yeh baat tasdeeq ki hai.
- Tareeqa-e-kaar ke mutabiq, Supreme Court ke senior tareen judge ko Chief Justice muqarrar kiya jaata hai.
- Justice Surya Kant Chief Justice of India ke baad senior tareen judge hain aur woh Indian Judiciary ki sarbarahi karenge. Justice Surya Kant 10 February 1962 ko Haryana ke Hisar zila mein ek middle-class family mein paida hue. Woh 24 May 2019 ko Supreme Court ke judge bane.
- Taqarrur ke baad inki tenure taqreeban 15 maheene hogi aur woh 9 February 2027 ko sabakdosh honge.
Bihar Mein Tejashwi Yadav Azeem Ittehad Ke Chief Minister Ummeedwar
- Tamaam speculations ka khatma karte hue Azeem Ittehad Grand Alliance ne Bihar Assembly Intikhaabaat ke liye Tejashwi Prasad Yadav ko baqaayda taur par apna Wazir-e-Aala Chief Minister ka ummeedwar naamzad kar diya hai.
- Yeh elaan Rajasthan ke saabiq Wazir-e-Aala aur Congress ke senior rehnama Ashok Gehlot ne aaj Patna mein Mahagathbandhan ki joint press conference mein kiya.
- Is mauqe par CPI ke Dipankar Bhattacharya, CPM ke Lalan Choudhary aur Vikassheel Insaan Party VIP ke sarbarah Mukesh Sahni samet kai ahem rehnama maujood the.
- Apne khitaab mein Ashok Gehlot ne kaha ki Naayab Wazir-e-Aala Deputy CM ke ohde ke liye mazeed naamon par bhi gaur kiya ja raha hai.
- Congress ke senior leader ne bataya ki yeh faisla party ke aala qaideen Rahul Gandhi, Mallikarjun Kharge aur deegar allied parties ke senior qaideen ki mushaawarat se kiya gaya hai.
- Unhone kaha ki Tejashwi Yadav ki qayaadat mein Azeem Ittehad ne 2020 Bihar Assembly Intikhaabaat mein shaandaar kargardagi dikhaayi thi, lekin chand voton ke farq se hukumat banane se mehroom reh gaya tha.
Hindustan Aur Cheen Ke Darmiyaan Baraahe Raast Parwaazein Dobara Shuru
- Hindustan aur Cheen ke darmiyaan direct air service 5 saal se zaayed ke taweel arse ke baad aakhirkaar dobara shuru ho rahi hai. Yeh dono mumalik ke taalluqaat mein ek ahm peshraft hai aur dono ke darmiyaan nayi simt ki raah hamwaar karegi.
- Indigo 26 October se Kolkata–Guangzhou route parwaazein dobara chalayega. Iske baad China Eastern Airlines bhi apni khidmaat restore karegi aur 9 November se Shanghai–Delhi ke darmiyaan parwaazein shuru karegi.
- Service hafte mein teen martaba Friday, Saturday, Sunday dastiyab rahegi, aur A320 aircraft istemaal honge.
- Ye parwaazein saal 2020 ke awaayal mein Corona Virus pandemic aur Mashriqi Ladakh border dispute ki wajah se band thi. Ab bahaali se diplomatic efforts taqwiyat paayenge aur logon ke darmiyaan mutual exchange aur commercial cooperation mein izafa hoga.
- Ministry of Civil Aviation ne 2 October ko elaan kiya tha ki parwaazein October ke aakhir tak dobara shuru ho jaayengi. Cheen ne bhi is iqdaam ko positive qaraar diya hai, jo dono mumalik ke taalluqaat behtar karne ki koshish ka hissa hai.
Videsh ki Khabrein
Venezuela Mein Tayyara Gir Kar Tabaah, 2 Afraad Halaak
- Junubi America ke mulk Venezuela mein afsosnaak air accident hua. Paramedo Airport se udaan bharne ke baad ek chhota tayyara gir kar tabaah ho gaya, jismein do afraad halaak ho gaye.
- Aini shahidon ke mutabiq, tayyara runway se buland hone ke baad tawaazun bigadne ki wajah se chakkar kaat-ta hua zameen par aa gira aur aag bhadak uthi. Haadse ki video social media par viral ho rahi hai.
- Hukkaam ne waqiye ki tehqiqat shuru kar di hai, lekin abhi tak haadse ki asal wajah maloom nahi ho saki.
Antim shabdYe tamam khabrein aapko Hyderabad aur Telangana ke latest updates se aagah karti hain, sath hi desh aur duniya ke aham waqiyat ka bhi jaiza deti hain.
Related Post: Telangana & Hyderabad 2025 News, Nalgonda Case, Elections, Health, Weather & Banking Updates
🔗 Connect With Bharat Batao
🖊️ About the Author
Bharat Batao Team
Hamara mission hai aap tak sahi aur verified news pohchana. Ground level se lekar global headlines tak, hum Bharat Batao ke through bina sensationalism ke clear language me har baat rakhte hai.
Disclaimer: Ye post sirf information ke liye hai. Sari khabrein public aur verified sources aur Koi bhi confusion ya complaint ho toh contact kar sakte hai. Hum fake ya misleading content publish nahi karte.
📌 Sources: All news compiled from public video reference: Based on viral verified sources:
- Hyderabad news
- Telangana news
- Jubilee Hills by-election
- Gau Rakshak firing
- She Cab service Hyderabad
- 98 kg ganja seized Hyderabad
- Sky Walks Hyderabad
- Hinglish news
- Hindi hinglish news
- Mid-Day Meal scheme funds
- Nizamabad Police incident
- Riaz encounter news
- Salman Khan BRS party
- Muslim cemetery Jubilee Hills
- Telangana rainfall update
- Andhra Pradesh counterfeit notes
- Chief Justice of India appointment
- Tejashwi Yadav Bihar CM candidate
- India China direct flights
- Venezuela plane crash news
Comments
Post a Comment