Telangana Heavy Rain Updates 2025: Kamareddy-Medak Floods, School Chutti, Rescue Operations & Travel Alerts

 Telangana me heavy rain aur floods se Kamareddy, Medak aur Nizamabad zilon me problems, schools chutti, rescue operations, train alerts, aur emergency updates. Hitech City ma Job fair.

Adaab dosto

Telangana mein abhi heavy rain ka silsila chal raha hai aur iske natije bahut serious hain. Kamareddy aur Medak districts mein baarish ki wajah se gharon mein paani ghus gaya, kai log chhaton par sharan lene ko majboor ho gaye aur ek doctor ki wall collapse se death ho gayi. Hyderabad-Kamareddy train services affect hui, Medak-Nizamabad railway tracks ka repair work turant shuru hua, aur floods mein phase logon ko rescue aur drone ke through khana pahunchaya gaya. Himayat Sagar aur Osman Sagar ke gates khol diye gaye, schools aur colleges mein chhutti announce hui, Hi tech city ma job fair, aur political leaders aur ministers alert hain.

Kamareddy: Heavy Rain ke baad Wall Collapse se Doctor ki Death

Kamareddy district me lagataar heavy rain ho rahi hai. Is baarish ki wajah se ek wall gir gayi aur ek young doctor ki death ho gayi. Yeh incident Wednesday ko district ke Rajampet area me hua. Details ke hisaab se, Rajampet ke resident Vinay, 28 saal ke, Gondaram Pille hospital me doctor the. Heavy rain ke wajah se Rajampet ke Devai Cheru (talab) ka kinaara toot gaya aur paani Vinay ke ghar me ghus gaya. Jab Vinay paani nikalne ke liye wall me hole bana rahe the, tabhi achanak wall unke upar gir gayi, jisse unki death ho gayi.

Telangana ke Kamareddy district me barish ki tabahi; gharon me paani ghusa

Telangana me Tuesday raat se Wednesday subah tak lagataar barish ne kai districts ki life ko affect kiya. Sabse zyada tabahi Kamareddy district me dekhne ko mili. Neeche waale areas jheel aur talaab jaise ban gaye. Kai gharon me paani ghus gaya aur log dara hua feel kar rahe hain.

Ek major incident me, Bogu Gaddi se Wagu par bridge construction ke dauraan 10 laborers achanak barhati hui flood water me phans gaye. Reports ke mutabik, unhone apni jaan bachane ke liye ek water tanker par chadh liya aur ab rescue teams ka wait kar rahe hain.

Heavy rain ne poore district ki situation kharab kar di. Sirf 3 ghante me 20 cm barish record hui, jisse barish ki intensity ka andaza lagta hai. Hyderabad-Nizamabad National Highway paani me doob jaane ki wajah se bandh ho gaya. Kamareddy-Nizamabad railway track beh jaane se train services bhi ruk gayi.

Kai roads totally kharab ho gaye aur traffic system collapse ho gaya. Kamareddy Housing Board Colony me tez paani ke bahaav se kai gaadiyaan beh gayi, jisne local logon me aur dar faila diya. Log gharon me hi fans kar reh gaye hain aur bahar nikal nahi paa rahe.

Kamareddy zila education officer Raju ne announce kiya ki current situation ko dekhte hue Thursday ko sabhi schools aur colleges me chhutti di jaayegi, taaki students ki safety ensure ho sake.

Heavy Rain: Hyderabad-Kamareddy ke beech train services par asar

Telangana state me heavy rain ka silsila continue hai. Barish ki wajah se Hyderabad aur Kamareddy ke beech kai trains ki movement par asar pada hai. Authorities ne 2 trains ko cancel kar diya hai, jabki 4 trains ke routes change kiye gaye hain.

Kacheguda se Medak aur Nizamabad se Tirupati jaane wali trains cancel kar di gayi. Is railway route ke kai areas me barish ka paani tracks par beh raha hai. Pure Kamareddy district me lagataar barish ho rahi hai.

Current situation ko dekhte hue, Chief Minister Revanth Reddy ne concerned authorities ko alert rehne ki instruction di hai. Saath hi unhone flood-affected areas me rescue aur relief work turant start karne ka order diya hai.

Mannan Khan ki taraf se 30 August ko Hitech City mein ek aur Job Fair

Hyderabad ke Hitech City mein ek aur Job Fair 2025 organize ho raha hai jo Mannan Khan ki taraf se arrange kiya ja raha hai aur is event ko Siddu Reddy, jo ek welfare person hain, support kar rahe hain.

Yeh Job Fair program 30 August, Saturday ko subah 8 baje se dopahar 1 baje tak hoga. Venue hai Sri Sai Garden Function Hall, jo Meridian Public School ke paas, 100 Feet Road, Madhapur, Hyderabad mein located hai.

Is job fair mein Work From Home jobs ke saath IT aur Non-IT jobs dono available rahengi. 10th class pass se lekar kisi bhi degree holders, freshers ya experienced candidates sab log ismein participate kar sakte hain.

Event mein 50 companies participate kar rahi hain aur jo candidates select honge unko spot par hi offer letter mil jayega. Job search karne wale candidates ko bola gaya hai ki apne 10 copies CV ke saath direct interview ke liye aayein.

Ab tak is platform ke through India bhar ke 3000 se zyada logon ko free mein jobs mil chuki hain bina kisi fees ke.

Zyada information ke liye contact karein: 8374315052

Telangana ke Kamareddy me floods me phase logon ko rescue kiya gaya

Telangana ke Kamareddy district me heavy rain ke wajah se kai jagah dozens log flood water me phase gaye the. SP M Rajesh Chandra ne bataya ki SDRF, Fire aur NDRF teams ne Ananya Sagar aur Narva gaon ke beech phase 9 logon ko safe places par shift kiya.

Isi tarah, Gangalgaon ke paas Manjeera river me phase 5 logon ko bhi time par rescue kar liya gaya. Kamareddy town ki Housing Board Colony aur JR Colony me paani ghus gaya, jahan police ne 60 se zyada residents ko rescue kiya.

Yellareddy halka ke Nagi Reddy Pet me Boys Hostel paani me doob gaya tha, lekin police ne sabhi students ko safely bahar nikaal liya. SP khud bhi relief operations me actively shamil rahe.

Air Force Helicopters bhejne ke liye Bandi Sanjay ne Rajnath Singh se kiya contact

Union Minister of State for Home Affairs, Bandi Sanjay Kumar ne Defense Minister Rajnath Singh se phone par baat karke Telangana me barish se affected logon ki madad aur rescue relief work ke liye cooperation ki appeal ki.

Bandi Sanjay ne bataya ki Kamareddy aur Sircilla me flood situation ke wajah se lagbhag 30 log phase hue hain. Unhone affected logon ko floods se nikalne ke liye Air Force ke helicopters bhejne ki request ki.

Rajnath Singh ne Bandi Sanjay ko assurance diya ki is matter me zaruri action liya jaayega. Unhone Hakimpet ke defense officials ko instruction diya ki helicopters bhejkar affected logon ko floods se rescue kiya jaye.

Bandi Sanjay ne yeh bhi kaha ki relief work ke liye NDRF teams already ready hain.

Telangana ke Medak district me heavy rain se kai ghar doobe, log chhaton par sharan lene ko majboor

Lagataar aur tufani barish ke wajah se Medak district ke kai gaon floods ki chhapet me aa gaye. Heavy rain ki wajah se Dhup Singh Tanda puri tarah paani me doob gaya. Gharon me paani ghus jaane par gaon ke log jaan bachane ke liye chhaton par sharan lene par majboor ho gaye. Paani ka level lagataar badh raha hai, jiske chalte villagers ne videos bana kar social media par help ki appeal ki.

Medak town me bhi kal raat se lagataar barish ne problems ko aur zyada bada diya. Gangani theater ke paas Mehmood nala me garbage jam ho gaya, jiski wajah se paani ka bahaav ruk gaya aur aas-paas ke areas puri tarah se doob gaye. Is se local logon ko kaafi difficulties ka saamna karna pada. Jaise hi information mili, 11th ward ke former councillor Samiuddin turant action me aaye aur JCB machine se nala saaf karwa kar paani ka bahaav dobara start karwaya.

Idhar, Medak district ke Haveli Ghanpur mandal ke Shamanpur gaon me Devni Cheru (talab) overflow ho gaya. Is se Gangapur ke aas-paas ke khet aur Shamanpur ke gharon me paani ghus gaya. Gaon ko jodne wali road bhi puri tarah se doob gayi aur transport totally band ho gaya. Shamanpur Gutta se Gangapur jaane wali road bhi kharab ho gayi. Purane gharon me paani bhar jaane se local log bahut pareshan hain.

District administration ne logon se appeal ki hai ki woh bina zarurat ghar se bahar na niklein.

Himayat Sagar aur Osman Sagar ke gates dobara khole gaye

Himayat Sagar aur Osman Sagar ke gates dobara open kar diye gaye hain. Lagataar barish ke dauraan dono reservoirs ka level badhne par authorities ne decision liya ki extra paani Musi river me release kiya jaye.

Department ke mutabik, 27 August ko dopahar 1 PM tak Osman Sagar ka water level 1779.15 feet record hua, jabki full level 1790 feet hai. Osman Sagar me 2500 cubic paani jama tha. Authorities ne 2 gates ko 1 foot tak khol kar 234 cubic paani release karne ka decision liya.

Isi tarah, Himayat Sagar ke ek gate ko 1 foot tak open karke 339 cubic paani chhoda gaya. Himayat Sagar ka full water level 1763.5 feet hai. Abhi Himayat Sagar me inflow 800 cubic record ho raha hai.

Telangana me barish: In districts me schools aur colleges me chhutti ka announcement

Telangana state me heavy rain aur kharab weather ko dekhte hue administration ne educational institutions band rakhne ka decision liya. Authorities ke mutabik, Thursday ko in districts me sabhi government aur private schools aur colleges me chhutti rahegi.

In districts me Kamareddy, Medak, Nirmal, Kumar Bheem Asifabad, Nalgonda, Adilabad, Nizamabad, Jagtial aur Rajanna Sircilla shamil hain. Education department ne kaha ki yeh decision students aur teachers ki safety ke liye liya gaya hai, kyunki barish ki wajah se kai jagah roads damage ho gayi hain aur travel me difficulties aa rahi hain.

Authorities ne parents se appeal kiya ki woh weather situation par nazar rakhein aur bachchon ko bina zarurat ghar se bahar na bhejein. Sources ke mutabik, barish ka silsila agle 2 din tak continue rehne ki possibility hai, aur zarurat padne par aur districts me bhi chhutti announce ki ja sakti hai.

Medak me heavy rain ke dauraan Assembly member kahin nazar nahi aaye

Medak district me 26 August se 3 din tak heavy rain ko lekar Indian Meteorological Department aur dusri agencies ne pehle hi warning di thi, lekin officials is situation ko handle karne me fail rahe. Wednesday ko Haveli Ghanpur mandal ke zyada tar gaon ke residents ko barish ki wajah se apne gharon me hi rehna pada. Government departments ke liye bhi chhutti announce kar di gayi thi.

Administration emergency situation ko handle karne ke liye properly prepared nahi tha. Collector Rahul Raj ne Wednesday subah barish se huye damage ke baad ek video message release kiya. Is situation ke dauraan heavy rain hone ke bawajood, concerned Assembly member M. Rohit kahin bhi nazar nahi aaye.

Medak-Nizamabad section me tracks ka repair work turant start

South Central Railway ne heavy rain ke wajah se Medak aur Nizamabad section par normal train services dobara shuru karne ke liye actively kaam start kar diya hai. Lagataar barish ki wajah se Medak-Nizamabad section aur Agnapet-Medak section me Bignoor-Badla ke beech tracks me cracks badh gayi.

Tracks ke repair aur trains ko dobara start karne ke kaam ko fast karne ke liye, 2 special trains Wednesday dopahar Purna aur Kazipet se sand bags, stones, grader, hot pipes aur sleepers ke saath bheji gayi. Engineering teams ne war footing par rail services ko restore karne ke liye turant kaam shuru kar diya hai.

Kai trains ko cancel, partially cancel, route change ya reschedule kiya gaya hai. Passengers ki help ke liye major stations par helpline numbers establish kiye gaye:

• Nizamabad: 9703296714 / 0402783606

• Kamareddy: 0402783867 / 0402783861

• Kacheguda: 928103564

• Secunderabad: 906318082

📢 Weather Alert – Telangana

Agle 48 ghanto ke dauraan Telangana ke kai zilon mein heavy se extremely heavy rain hone ki possibility hai.

🌧️ Red Zone (Sabse zyada risk): Adilabad, Nizamabad, Jagtial, Rajanna Sircilla, Nirmal, Warangal, Hyderabad, Rangareddy, Vikarabad.
🟠 Orange Zone (High risk): Karimnagar, Peddapalli, Bhupalpally, Medak, Suryapet, Mahabubabad, Khammam, Bhadradri Kothagudem.
🟡 Yellow Zone (Average rain): Telangana ke baki districts.

👉 Meteorological Department ne logon ko alert rehne, unnecessary travel avoid karne aur flood/paani jama hone se bachav ke liye zaruri steps lene ki salah di hai.

⚠️ Safety First – Apne aas-paas ki local updates aur advisories ko follow karein.

📢 Irrigation Minister Uttam Kumar Reddy ka Alert

🌧️ Telangana mein jaari heavy rains ke beech Irrigation Minister Uttam Kumar Reddy ne officials ko strict instructions diye hain ki public ki jaan aur maal ki safety ke liye turant steps uthayein.

👨‍💻 Kal unhone Irrigation Department ke senior officials ke saath video conference ki aur khaaskar Kamareddy aur Medak districts mein high alert jari karne ko bola.

🏞️ Reservoirs, ponds, canals aur irrigation projects ko nuqsaan se bachane ke liye officials ko continuous monitoring aur precautionary measures lene ka order diya gaya. Increasing water flow ke wajah se reservoirs mein paani release karne ki instructions bhi di gayi.

🤝 Unhone kaha ki Irrigation Dept., District Collectors, Revenue aur baaki departments ke beech better coordination hona chahiye taaki logon ko flood ke asar se bachaaya jaa sake.

💬 Minister ne media ko bataya ki:

• Abhi tak heavy rains ke dauraan koi major incident report nahi hua.

• Officials continuously affected areas ka visit kar rahe hain aur relief work ke liye unko funds turant access diye gaye hain.

• Nizam Sagar project se extra paani release karne ka order diya gaya hai.

• Farmers ko advise kiya gaya ki wo khet mein na jaayein jab tak paani ka level high hai.

⚠️ Minister ne clear kiya: “Jab tak situation normal nahi hoti, sab officials ko cautious aur active rehna hoga.

RTC Officials Alert Rahein, Transport Minister ki Instructions

Transport Minister Ponnam Prabhakar ne state ke different districts mein kal se jaari heavy rain ko dekhte hue logon aur RTC officials ko alert rehne ki advice di. Medak aur Kamareddy districts mein heavy baarish ke wajah se roads damage hue aur transport services effect hui. Ponnam Prabhakar ne kaha ki roads par paani jama hone ki wajah se RTC drivers extra careful rahein. Passengers ki safety RTC ki top priority honi chahiye.

Unhone GHMC aur doosre departments se contact karke Hyderabad ke low-lying areas se paani nikaalne ke liye steps lene ki instruction di. Dono cities, Hyderabad aur Secunderabad, mein special teams ko alert mode par rehne ke liye kaha gaya hai.

Transport Minister ne officials ko bola ki zarurat padne par low-lying areas ke residents ko safe places par shift kiya jaaye. Unhone Ganesh pandals aur electric poles ke paas special precautions lene ki instruction di. Public ko bhi advice di gayi ki baarish ke dauraan electric poles se door rahen. Electric shocks ke incidents avoid karne ke liye logon ko officials ki instructions strictly follow karni chahiye.

Me-Seva mein new ration card application aur LPG registration facility

Charminar Circle ke Assistant Civil Supply Officer Mohammed Aslam Khan ne bataya ki Telangana government ne 10 saal ke long gap ke baad logon ko new ration card issue karne ka process dobara start kar diya hai. Zaruri documents submit karne ke baad ab hazaron families ko ration card sirf districts mein hi nahi, balki city mein bhi mil rahe hain. Ration card public welfare schemes aur essential items provide karne ka sabse important medium hai. Lekin kai saalon tak new ration cards issue nahi hue the, jisse poor aur middle-class families ko kaafi problems face karni pad rahi thi. Ab government ne process dobara start kiya hai, jisse logon ko umeed lagi hai ki ab unhe yeh facility milegi.

Mohammed Aslam Khan, Assistant Civil Supply Officer, Charminar Circle ne bataya ki unke office ko ab tak 4852 applications receive hui hain jisme 1464 approve ho chuki hain, jabki 21641 applications Inspector login mein abhi pending hain. Unhone further add kiya ki existing ration card holders ke family members ko add karne ke liye bhi kaafi applications aa rahi hain. Ab tak 34586 applications receive hui hain, jisme se 2526 approve ho gayi hain aur 11550 abhi pending hain.

Unhone bataya ki koi bhi naya Food Security Card (FSC) banwane ke liye kisi bhi Me-Seva center mein apply kar sakta hai. Iske liye family ke sabhi members ke Aadhaar cards, current electricity bill aur LPG receipt submit karna zaruri hai. Agar koi family apna ghar shift karti hai ya address change karti hai to us case mein bhi yeh facility Me-Seva centers par available hai. Isse eligible log easily state government ki schemes ka benefit le paayenge.

Aslam Khan ne kaha ki Charminar Circle mein daily kaafi applications receive ho rahi hain aur step-by-step approve bhi ki ja rahi hain. Unhone yeh bhi yaad dilaya ki 2004 mein FSC shops approve hui thi, lekin abhi tak new shops ke liye notification release nahi hua. Log aur ration shop dealers umeed kar rahe hain ki government ration cards issue karne ke saath-saath new shops bhi allot karegi, taaki aur log employment se jud sakein.

Ganesh Pandals ke liye Shaam 6 Baje se Raat 10 Baje tak Sound System ki Permission

Telangana High Court ne Ganesh pandals ke organizers ko clear instruction diya hai ki residential areas mein noise limit cross na karein aur mike/sound system ka use limited rakhein. Court ne yeh bhi kaha ki traffic aur emergency vehicles ki movement disturb nahi honi chahiye.

High Court ne remind kiya ki pehle bhi excessive noise pollution ki wajah se buzurg, bachche aur pregnant women ko health issues aur jaan ka khatra hua hai. Isliye organizers ko extra care lena hoga.

Medchal–Malkajgiri zila ki ek 80-year-old woman ne apne ghar ke paas bina permission pandal lagane par objection file ki thi. Us petition par hearing karte hue Justice NV Shravan Kumar ne order diya ki festival aise tarike se celebrate ho jahan se public ko takleef na ho.

Court ne police, municipal authorities aur organizers ke liye guidelines issue kiya:

• Ganesh murti install karne se pehle permission lena compulsory hoga.

• Pandals aisi jagah banaye jahan traffic disturb na ho aur ghar/hospital ka entrance block na ho.

• Preference rahe ki pandals community grounds ya open spaces mein lagaye jayein.

• Pandal mein electricity safe connection ho taaki accident na ho.

• Pooja rituals 1 ghante mein complete karein.

• Noise pollution law ke mutabik sound system sirf shaam 6 baje se raat 10 baje tak hi use hoga.

• Residential areas mein mike ki awaaz fixed decibel limit ke andar rahe.

• Hospitals, schools, old age homes aur ashrams ke paas speakers na rakhein.

• Police decibel meter se noise level monitor kare aur violation par action le.

• Traffic flow maintain karna organizers ki responsibility hogi aur traffic police ke saath alternate routes decide karein.

• Ambulance aur fire engine ke liye rasta hamesha clear ho.

• Har police station mein help desk ho jahan log noise ya traffic complaints register kara sakein.

Abki Baar Trump Sarkar' slogan ka result: India ko ₹3 lakh crore ka nuqsaan US tariff ki wajah se

Congress President Mallikarjun Kharge ne Modi government par teekhi tipni karte hue kaha ki PM Modi ke “Abki Baar Trump Sarkar” slogan aur unki foreign policy failures ka result ab India ko mehenga pad raha hai. Kharge ne kaha ki US President Donald Trump ne Indian exports par 50% tariff laga diya hai, jiska direct impact sirf 10 bade sectors par hi ₹27,000 crore ka nuqsaan hoga.

Kharge ke mutabik, sabse zyada blow Indian farmers ko lagega, especially kapas (cotton) ke farmers ko, jinki condition aur kharaab ho sakti hai. Unhone PM Modi ko yaad dilaya ki unhone farmers ki suraksha ke liye “kuch bhi karenge” ka promise kiya tha, lekin reality mein unke rozgaar aur income ko bachane ke liye kuch practical steps nahi liye gaye.

Global Trade Research Initiative (GTRI) ki report ka hawala dete hue Kharge ne bataya ki is tariff ka asar desh ki GDP par bhi hoga—lagbhag 1% tak GDP gir sakti hai. Iska fayda seedha China ko milega. Textile sector mein lagbhag 5 lakh jobs risk par hain, gems aur jewellery sector mein 1.5–2 lakh jobs khatre mein hain. Saurashtra ke diamond cutting aur polishing se jude 1 lakh mazdoor pehle hi April se berozgaar ho chuke hain, jab se Trump ne initial 10% tariff lagaya tha.

Kharge ne aur bhi sectors ki list di jo buri tarah se effect honge—shrimp farming (5 lakh farmers aur 2.5 million log), leather, marine products, chemicals, steel & aluminum, agriculture, engineering, glass aur dairy products.

Unhone Modi government par charge lagaya ki yeh log timely trade agreements karne aur export sectors ko protect karne mein fail hue hain. Kharge ne warning di ki agar situation aisi hi rahi to aane wale months mein unemployment aur economic slowdown aur bade paimane par dekhne ko milega. Unke words mein, “yeh toh crisis ki shuruaat hai, asli impact future mein aur bhi dangerous hoga.

📢 International News Update – Pakistan Air Strike in Balochistan

Pakistani Air Force ne Tuesday dopahar Balochistan ke Bolan area (Mach region) mein air strikes kiye. Local residents aur social media reports ke mutabik, bombing Goni Pura ke pahadi ilaake, Urdu Bagh aur Dhar ke aas-paas hui.

Ye khabar The Balochistan Post ne di, lekin abhi tak in reports ki independent confirmation nahi ho paayi hai. Na hi Pakistan Army ka media wing ISPR aur na hi kisi Baloch separatist group ne is strike par official statement diya hai.

Authorities pehle se deny karte aaye hain ki fighter jets Balochistan operations mein use hote hain, lekin agar yeh confirm ho jaata hai to iska matlab hoga ki Islamabad ab is conflict ko ek traditional war mode mein dekh raha hai — chahe woh isse publically accept kare ya na kare.

👉 Yeh development Balochistan ke ongoing separatist conflict ko lekar ek serious escalation maana ja raha hai.

Antim Shabd 

Abhi Telangana mein barish ka silsila jaari hai aur authorities, rescue teams aur local administration har jagah situation par nazar rakhe hue hain. Citizens ko bhi caution baratni chahiye aur zarurat ke bina ghar se bahar na nikalna chahiye. Rescue operations, relief work aur preventive measures se logon ki safety ko ensure kiya ja raha hai. Paani ke levels aur flood-affected areas par continuous monitoring chal rahi hai. Har citizen se appeal hai ki woh local authorities ki instructions follow karein aur apne parivar aur community ko safe rakhein. Yeh haalaat dekhte hue sabka cooperation sabse zaruri hai.

Disclaimer: Ye post sirf information ke liye hai. Sari khabrein public aur verified sources aur YouTube video ka content credit pura Shaik Omer ko jata hai. Koi bhi confusion ya complaint ho toh contact kar sakte hai. Hum fake ya misleading content publish nahi karte.

🔗 Connect With Bharat Batao

• 👉 Visit Our Blog
• 👉 Follow on Facebook
• 👉 Join on Telegram

🖊️ About the Author

Bharat Batao Team

Hamara mission hai aap tak sahi aur verified news pohchana. Ground level se lekar global headlines tak, hum Bharat Batao ke through bina sensationalism ke clear language me har baat rakhte hai.

📌 Sources: All news compiled from public video reference: Based on viral verified sources

👉 More Updates:
🔗 Sarkari Updates | Scam Report | Career & Jobs | Weather Alerts

🔍 Related Search Keywords:
Latest Telangana news blog updates, Hyderabad news blog today, Telangana politics news blog,
Telangana government news blog, Hyderabad city news blog, Telangana education news blog,
Telangana health news blog, Telangana technology news blog, Telangana sports news blog,
Telangana economy news blog, Telangana entertainment news blog, Telangana weather updates blog,
Telangana crime news blog, Telangana agriculture news blog, Telangana tourism news blog,
Telangana business news blog, Telangana government schemes blog, Telangana infrastructure news blog,
Telangana startup news blog, Telangana job updates blog, Telangana festivals news blog,
Telangana cultural events blog, Telangana political parties news blog, Telangana local news blog,
Telangana district news blog, Telangana rural development news blog, Telangana urban development news blog,
Telangana women's issues news blog, Telangana youth affairs news blog, Telangana environmental news blog,
Telangana news in Hindi today, telangana news today in hindi, Hyderabad flood news today, hyderabad hindi news paper,
Telangana samachar, World wise news today, world news today, world news in hindi, latest international news, global news in hindi,
Hyderabad latest updates 28 August 2025, Telangana state news roundup blog, National and international news 29 August blog, Bharatbatao.blog,
Bharatbataonews, bharat batao blog, bharat news blog, bharat batao hyderabad news, bharat batao telangana news, bharatbataohyderabad, bharatbataotelanagana,
bharatnews, india news, local news, hyderabad news today, bharat batao world news, bharat batao indian news, hyd news bharatbatao, Tgnews with bharatbatao

🔍 Related Search Keywords:
Telangana Kamareddy heavy rain news 2025, Kamareddy wall collapse doctor death, Hyderabad-Kamareddy train services disrupted,
Kamareddy floods rescue updates, Air Force helicopter Telangana rescue, Medak district heavy rain news,
Telangana drone food delivery floods, Himayat Sagar Osman Sagar water release, Telangana schools colleges chhutti announcement,
Medak assembly member absent news, Medak-Nizamabad railway track repair, Telangana heavy rain forecast next 48 hours,
Irrigation Minister Uttam Kumar Reddy alert, RTC officials safety instructions, Telangana Me-Seva ration card LPG registration,
Mannan Khan Hitech City Job Fair 30 August, Ganesh Pandals sound system permission Telangana, US tariff impact on India ₹3 lakh crore,
Pakistan Balochistan air strike news, Telangana local news August 2025, Telangana flood relief updates 2025,
Bharatbatao blog, Bharatbatao Telangana news, Bharatbatao Hyderabad updates, Bharatbatao India latest news,
Bharatbatao world news, Telangana political updates 2025, Hyderabad traffic news Bharatbatao